أعرب الممثل المصري ياسر جلال عن سعادته لتقديمه شخصية الرئيس السيسي في الدراما المصرية من خلال مسلسل “الاختيار 3” الذي عرض في الموسم الرمضاني 2022.
وقال في لقاء تلفزيوني: “فخور جدا وبتشرف إنى أنا بقدم شخصية الرئيس على الشاشة وهو رجل أنا بحبه وبحترمه من زمان جدا وإحنا فى مرحلة التحضير للمسلسل، وبذاكر الشخصية وبشوف السكريبت والأحداث اللي حصلت وقد إيه الراجل ده قدم روحه على كفه عشان ينقذ البلد ازددت حبا واحتراما وتقديرا لسيادته”.
وتابع ياسر جلال: “واحنا بنتفرج على اللى بيحصل فى بلدنا من الإنجازات وأول وأهم إنجاز هو الأمن والأمان اللي بيعيش فيه الشعب المصري نحمد ربنا، ودي حاجة مهمة جدا عملها لبلدنا مع الإنجازات اللي احنا شايفينها بتتحقق وإن شاء الله يقود مصر لحتة تانية وندعيله بالتوفيق”.