وجهت النجمة المصرية منى زكي رسالة إلى العالم عن الحرب على غـ.زة، خلال حضورها لتسلم تكريمها عن مسلسلها الأخير “تحت الوصاية” الذي تم عرضه في شهر رمضان الماضي، وذلك من مهرجان ضيافة الذي أقيم مساء أمس الأربعاء بمدينة دبي الإماراتية حيث أعربت عن سعادتها بالتكريم وسط نجوم العالم ومن مختلف المجالات، إلا أنها حزينة لما يشهده العالم في الفترة الأخيرة من مجازر في فلسطين.
وتابعت منى زكي خلال كلمتها: “كلنا اتغيرنا، في حاجة جوانا اتغيرت، في حاجة اتكسرت ومتهيألي مش هترجع غير لما يبقى شعب فلسطين حر ويبقى بياخد كل حقوقه، اتعلمت في الفترة دي إن الإنسانية محدش بيعلمهالك، مش لازم يكون في منظمات بتكتب قواعد للإنسانية، الإنسانية إنت بتتولد بيها وبتبقى جواك وعارف إيه قواعدها من غير منظمات تحطلك يعني إيه تبقى إنسان”.